رسالة نارية من نجم الزمالك إلى الإدارة بعد إصابته

كشف يوسف حسن، مهاجم الفريق الأول لكرة القدم بنادي الزمالك، عن تفاصيل إصابته وأسباب غيابه عن المشاركة مع الفريق خلال الفترة الماضية.

وكتب يوسف حسن، عبر حسابه الرسمي على موقع التواصل الإجتماعي “فيسبوك”: “أنا بس هتكلم كلمتين والواحد ساكت متكلمتش من ساعة ماتصابت أنا ولاحد بيسأل فيا ولا حد بيطمن عليا بدون ذكر اسمي، أنا مقصرتش مع حد ولا عمري حد شاف مني حاجة وحشة”.

وتابع: “أولًا أنا اتصابت في ماتش المقاولون العرب في الكاحل تمام اتعالجت يومين وبعدين روحت المنتخب الشباب اتخبط فيها تاني والإصابه تشخيصها إني عندي قرحة في الأكحل محتاجة ليزر وكل ماكلم حد يقولي النادي مفهوش فلوس، أنا بقالي خمس شهور قاعد في البيت مفيش حد عارف يعملي عملية بـ 150 الف جنيه لدرجة إني قولت عاوز فلوسي وأنا هعملها على حسابي”.

واضاف: “تاني مرة أقولها حسبي الله ونعم الوكيل في اللي قال مزمنة إنت كدة بتدمرني أنا معملتش حاجه وحشه إللي قال كده يثبت إنها مزمنة وأنا هوريله التقرير والإشاعات، نفسي أفهم ليه بيحصل كدة أنا مقصرتش بنقطة عرق واحدة وأنا بلعب مع النادي الزمالك لعبت خمس ماتشات كسبنا الخمسة الحمدلله يعني مقصرتش بأي حاجة”.

اختتم لاعب الزمالك تصريحاته قائلاً: “عامة أنا في انتظار حد مسؤول في النادي يكلمني وهعمل العمليه وهرجع أحسن من الاول باذن الله، وأنا بحب جمهور الزمالك من قلبي فعلا شكرا”.